• Картинка
  • Картинка
  • Картинка
  • Картинка

Сенім телефондары
43-20-84
enbek@krg.gov.kz

Күнтізбе

Пн Вт Ср Чт Пт Сб Вс




Новости Республики

ҚР ІІМ жол қауіпсіздігін арттыру мақсатында бірқатар шаралар қабылдамақ


ҚР Ішкі істер министрлігінің Әкімшілік полиция комитеті төрағасының орынбасары Әлібек Кеңесбаевтың дерегінше Осы жылдың алғашқы алты айында Қазақстан бойынша 7 093 жол-көлік оқиғасы тіркеліпті.  Соның салдарынан 850 адам қаза болып, 9425 адам жарақат алған екен. Бұл өткен жылмен салыстырғанда біршама көп. Мысалы, 2018 жылдың алғашқы алты айында 6 743 жол-көлік оқиғасы тіркелсе, оның ішінде 784 адам қайтыс болған. Осылайша өткен жылдың дәл осы кезеңімен салыстырғанда жол-көлік оқиғасы 5 пайызға өсіп, қайтыс болғандар саны 8 пайызға көбейген.

Апатты жағдайлардың деңгейін тұрақтандырып, жол-көлік қауіпсіздігін арттыру мақсатында Ішкі істер министрлігі жүйелі тұрғыда кешенді шараларды жүзеге асырмақ. Қазірі таңда республлика көлемінде жолдағы құқық бұзушылықтарды автоматты түрде тіркейтін 4 мыңнан астам жүйе бар. Ең алдымен жолдағы қауіпсіздігі арттырылмақ. Жыл басынан бері аталмыш жүйелердің және полиция өкілдерінің ай сайын өткізіп тұратын жедел профилактикалық іс-шарасының арқасында осы жолдағы апаттың санын азайту бағыныда жұмыстар атқарылуда. 2019 жылдың басына бері елмізде жалпы 2,8 миллион жол ережелерін бұзу жағдайлары тіркелген. Оның ішінде 103,5 жаяу жүргіншілер жауапкершілікке тартылса, көлік басқару құқығынан 17 мыңнан астам адам сот арқылы айырылған, әрі әкімшілік жазаға 1 742 адам тартылыпты.

ҚР ІІМ Полиция аға инспекторы Ақтоты Боранова «Орташа жылдамдық» түсінігіне байланысты заңға өзгерістер ұсынылғанын, әзірге бұл бағыт бойынша қазіргі таңда заңмен реттеудің аса қажеттігін айтып берді. Осылайша ол 3 шілде күні ҚР ІІМ өткізген дөңгелек үстелде орташа жылдамдық түсінігін енгізу айтылғанын жеткізді. 

 «Бұл түсінік туралы айтып өтсем. Мысалы, орташа жылдамдығын анықтағанда Астанадан Қарағандыға шыққан көлікті, яғни осы бағыт бойынша «А» пунктінен «В» пунктіне дейінгі оның толық жылдамдығы туралы мәлімет бізде қарастырылмаған. Жылдамдықты тіркейтін жүйелер қалаларда ғана толықтай қамтамасыз етілсе, республикалық маңызы бар жолдарда ондай мүмкіндік жоқ. Осындайды ескерген көптеген автокөлік иелері баратын жеріне тез жету үшін белгіленген жерлерде ғана жылдамдықты төмендетіп, одан ары қарай жылдамдықты қайтадан асырып айдап жүре береді. Осындай келеңсіздіктерді болдырмау мақсатында автокөлік шыққан кезде оның мемлекеттік белгісі, шыққан уақыты тіркеледі, одан соң Б пунктіне дейінгі жол ұзақтығы оның уақытына бөлінетін болады. Осы есеппен оның орташа жылдамдығы туралы мәлімет шығады. Ал, егер автокөлік белгіленген жылдамдықты асыратын болса немесе белгіленген уақыттан ерте келетін болса, жүйе автоматты түрде оның жылдамдықты асырып басқарғанын жаңағы есеп бойынша анықтайды. Енді 592 баптың бөліктеріне өзгерістер енгізсек, орташа жылдамдықты асырғаны үшін де көлік иелері әкімшілік құқық бұзушылық жазасына тартылады», - деді ҚР ІІМ Полиция аға инспекторы Ақтоты Боранова.

Осылайша автокөліктердік орташа жылдамдығын тасжолдарда, республикалық маңызы бар жолдарда А пунктінен Б пунктіне жеткенге дейінгі белгіленген жылдамдықты сақтауды қадағалау үшін осы түсінік енгізу жоспарлануда. 

Сондай-ақ ол шет мемлекетте тіркелген автокөліктерді уақытша тіркеу мәселелері қарастырылып жатқанын да айтты. Көлік елімізде 10 күннен артық пайдаланылатын болса, онлайн түрде 24 сағаттың ішінде тегін тіркеу жүргізу қарастырылуда екен. Егер ҚР ІІМ-нің осы ұсыныстары үкіметте қабылданып жатса бұдан былай, шетелдік автокөліктер тіркеліп қана жүре алатын болады.

«Қазіргі таңда ешқандай мемлекеттік органдарда шетелдік автокөлік жүргізушілері туралы толық мәлімет, нақыт деректер жоқ. Сондықтан да осы уақытша тіркеудің арқасында жолдағы қауіпсіздікті қамтамасыт етуге септігін тигізіп қана қоймай, ұлттық қауіпсіздікке де пайдасын тигізетін болады», - деді ҚР ІІМ өкілі.

Өткен жылы жол ережелерін бұзу оқиғаларын автоматты тіркеу жүйесіне Еуразиялық экономикалық одақ елдерінде тіркелген автокөліктердің қатысымен 42 мың құқық бұзушылық тіркелсе, оның 3,8 мыңы ғана жауапқа тартылған. Яғни, олардың 9,1 пайызы ғана әкімшілік жазаға тартылып, жалпы сомасы 33,1 миллион теңгенің айыппұлдары өндірілген.

Ішкі істер министрлігі өкілдері электрлі самокаттардың жүру ережелері туралы да еске салып өтті.

ҚР Ішкі істер министрлігінің Әкімшілік полиция комитеті төрағасының орынбасары Әлібек Кеңесбаев электрлі мотороллерлер мопедтерге теңестірілгенін хабарлады. Тиісінше, бұл көліктің түрімен 16 жастан бастап көшеде жүруге болады.

«Жол қозғалысы туралы заңға сәйкес мопед электр қуаты 4 кВт аспайтын электр қозғалтқышы бар сағатына 50 км-ден аспайтын жылдамдықпен жүретін екі доңғалақты көлік болып табылады. Сәйкесінше, мопед  жүргізушілеріне арналған жол ережесінің талаптары электр скутерлерін басқаратындарға да қолданылып келеді», - деді ол.

Ішкі істер министрлігінің өкілі электр мотороллерлерді басқаратын адамдар велосипед жолында, яғни велосипед жолы бойымен қозғалу керек деп айтты. Егер арнайы жол болмаса, жолдың шетімен жүру керектігін ескертті.

Әлібек Кеңеcбаев жақында Алматы қаласында болған автобус жүргізушісі мен скутер қолданушы арасындағы  қақтығыстың болғанын еске салып өтті.

«Бұл жағдайда бұзақылық фактісі бойынша қылмыстық іс қозғалды. Сол жерде скутер мен автобус жүргізушісінің арасында жол көлік оқиғасы болған жоқ. Тергеу амалдары жүргізілуде.  Ал, самокат жүргізушісі және оны қаққан жүргізуші арасында болған оқиғаға байланысты айтарм болсам, олардың өзара келісімнен кейін бұл бойынша құқық бұзушылық туралы іс қозғалған жоқ», - деді Әлібек Кеңісбаев.

Жалпы алғанда ҚР Ішкі істер министрлігі мемлекеттік органдармен бірлесіп, жол қауіпсіздігін қамтамасыз ету мақсатында жақын арада бекітілетін кешенді жоспар іс-шараларын дайындап жатыр.

Айдана Абдрахманова

Материалдарды t.me/strategykz telegram аккаунтынан оқи аласыздар.


Вернуться назад

`

Жаңалықтар

Аңдатпалар

Байланыс телефондары

+7 (7212) 43-20-84; +7 (7212) 48-16-22

Мекен-жай

Казахстан, г.Караганда ул. Ермекова,73,

Қабылдау уақыты

Прием граждан осуществляется с 9:00 до 18:30
Қарағанды облысының еңбек инспекциясы жөніндегі Басқармасы
Сайт материалдарын пайдалану кезінде дереккөздерге сілтеме жасау міндетті.Әзірлеу және қолдау : Creatida Интернет-компаниясы